قبل الزوج تريث
2 مشترك
صفحة 1 من اصل 1
قبل الزوج تريث
تتجوز إنتظر .. و إحترس .. و تريث .. و إقرا الأول | [ندعوك للتسجيل في المنتدى أو التعريف بنفسك لمعاينة هذه الصورة] |
على قطعة من الدانتيلا الرقيقة أحيا مع ذكرياتى "إخفاقات حبى" أحلام شبابى الكهل .. و نفسى و فعاليات حياتى و شريكة عمرى و رفيقة دربى .. التى شاء حظها العثر أن تعيش مع رجل مزاجى الطبع خيالى التوجه رومانسى النزعة .. إستدعيت طيف رفيقتى معى على قطعة الدانتيلا .. إحتضنا السحاب .. تداعبنا قطرات الندى .. فيما نسمات من عبير تتخلل هواءنا .. الذى يسير شراع قاربنا الحياتى الصغير فيمخر عباب بحر الحياة .. بين شطآن الآمال و الآلام و الأحلام المؤجلة .. أتنفس الحب و تحيينى المشاعر .. و نغمات فيروزية تتسلل إلى أعماقى .. شايف البحر شو كبير .. كبر البحر بحبك .. شايف السما شو بعيد .. بعد السما بحبك .. و فى اللحظة الفاصلة بين اليقظة و المنام رأيتنى أهوى من حالق و... طاخ (ده صوت خبطة دماغى فى صخرة) من الصخور إللى على شط البحر فى الإسكندرية عند كليوباترا .. و ما بين آهة الألم و آهة الدهشة و المفاجأة .. استفقت على صوت رفيقة دربى (أنظر أعلاه).. سيفون الحمام بينقط قوم شوف سباك و متنساش تحجز لهشام عند الدكتور .. سخن و بيكح طول الليل (هشام طبعا مش الدكتور) و روح المدرسة لهديل شوف بيشتكوا منها ليه . حتاكلوا إيه النهاردة؟ مبتسما نظرت لها..و مستكينا مسحت رأسى من أثر الخبطة .. و بمنتهى الحرص طبقت قطعة الدانتيلا و وضعتها على الرف الأعلى من دولاب ذاكرتى .. لحين إشعار آخر .. إرتديت ملابسى .. ذهبت إلى عملى .. مع الزملاء عرضت مشكلة السيفون .. تبرع أحدهم مشكورا (عنده خبرة بأعمال السباكة) أنا آجى أصلحهولك .. و حيث إن حبايبى كتير .. تبرع زميل آخر بالتوصيلة بسيارته .. يا عم سيبك من تنطيط السباكين .. دى حاجة بسيطة مش مستاهلة .. بعد ميعاد الإنصراف خرجنا .. عند الفرن البلدى توقفنا اشترينا عيش بلدى ..أبو شلن الرغيف .. و صلنا البيت .. إقتحمنا السيفون .. كانت معركة غير متكافئة إنتهت بلا نتيجة نهائية .. بعد الشكر و الشاى و العرفان .. إنصرف الزملاء .. و تحركت أنا على مدرسة هديل .. أستاذة الدراسات بتشتكى منها .. كثيرة الكلام و الأسئلة .. بس ذكية و مخها نضيف .. طبقا لهذا الإستدراك .. واضح ان المدرسة ترى أن الذكى أبو مخ نضيف .. المفروض مايكونش كثير الكلام و الأسئلة .. ماشى حقكم عليا .. حاحاول أفهمها .. و عايزين "عشرين جنيه" عشان ملف التقويم الشامل .. و خرجت من المدرسة الحديثة الخاصة .. و ذهبت لدكتور الأطفال .. حجزت كشف لهشام .. و رجعت على البيت .. لقيت على التسريحة رسالة من رفيقة دربى (راجع أول الكلام) أنا وديت هشام عند جدته .. جايز أتأخر فى الشغل النهاردة .. لو رجعت بدرى إبقى اعمل الرز باقى الأكل جاهز فى التلاجة .. مبتسما و مستكينا .. عايرت الرز كوباية و نص .. و غسلته و حمرت شوية شعرية فى معلقة سمن .. و حطيت كوباية و نص ميه بملح و بعدين حطيت الرز .. و لما إتشرب حطيت تحته شياطة و وطيت النار عليه ..و فى هذه اللحظة بالذات .. كانت المية إللى على العين التانية غليت .. صبيت كوباية الشاى و أخذت حبايتين كيتوفان .. أشعلت سيجارة و دوست على زرار PLAY فى الكاسيت .. كبر البحر و بعده كمان بحبك يا حبيبى يا حبيبى بحبك .. و من على الرف العلوى من دولاب ذاكرتى سحبت قطعة الدانتيلا .. و إستلقيت .. مع نفسى و ذكرياتى و أغمضت عينى .. و بين السحاب فيما قطرات الندى .. و نسمات العبير و ..
كليوبترامــشـرفـــه
- معلومات العضو :
بلدى :
مهنتى :
مزاجى :
عدد المساهمات : 111
نقاط : 240
تاريخ التسجيل : 04/12/2010
العمل/الترفيه : الرمانسيه
الاوسمه :
[table style="WIDTH: 96px; HEIGHT: 86px" border=1][tr][td][/td][/tr][/table]
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الأحد 30 ديسمبر 2012, 8:09 am من طرف الشاعر عبدالله عبدالعليم
» اخطاء لفظيه يجب الحذر منها
الخميس 13 ديسمبر 2012, 6:58 am من طرف تناهيد
» من أجمل ما سمعت سورة الحاقة أدريس أبكر
الأحد 09 ديسمبر 2012, 6:31 am من طرف تناهيد
» تلاوة رآآآئعة ومؤثرة جدا للشيخ العجمى
الأحد 09 ديسمبر 2012, 6:29 am من طرف تناهيد
» لماذا نشعر بوحشة فى قلوبنا وضيق فى الصدر
الأحد 09 ديسمبر 2012, 6:27 am من طرف تناهيد
» لا يركع ولا يسجد واسمه مكتوب عند الله عزوجل
الأحد 09 ديسمبر 2012, 6:11 am من طرف تناهيد
» تفسير قوله تعالى : ( وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ .. )
السبت 29 سبتمبر 2012, 5:26 pm من طرف تناهيد
» الرد على الطعن في القرآن الكريم ودفع شبهات الطاعنين في القرن الرابع عشر الهجري
السبت 29 سبتمبر 2012, 5:22 pm من طرف تناهيد
» مقاطع مميزه عن عيد الحب
السبت 29 سبتمبر 2012, 5:17 pm من طرف تناهيد
» مع آيات السكينة..!!
السبت 29 سبتمبر 2012, 5:16 pm من طرف تناهيد